विराटनगर । पत्रकार बाबुराम भण्डारी जनार्दन मैनाली स्मृति पत्रकारिता पुरस्कारबाट पुरस्कृत भएका छन् ।
प्रेस चौतारी मोरङले बुधबार विराटनगरमा आयोजना गरेको कार्यक्रममा पत्रकार भण्डारीलाई पुरस्कार प्रदान गरिएको हो ।
चाडपर्वहरुको अवसरमा चौतारीले हरेक वर्ष आयोजना गर्दै आएको शुभकामना आदानप्रदान कार्यक्रमका प्रमुख अतिथि एमाले उपाध्यक्ष गुरु बरालले १५ हजार पाँच सय रुपैयाँ राशीको पुरस्कार भण्डारीलाई प्रदान गरेका हुन् ।
डेढ दशकभन्दा लामो समयदेखि पत्रकारितामा सक्रिय पत्रकार भण्डारी उद्घोष दैनिकमा रहेर राजनीतिक, आर्थिक तथा सामाजिक अभिरुचिका विषयमा कलम चलाउँदै आएका छन् ।
