विराटनगर । विराटनगर मालपोत कार्यालय नजिकको क्यान्टिनसहितका पसलमा लागेको आगो नियन्त्रणमा आएको छ ।
मालपोलत कार्यालय नजिक भोला साहको चिया नास्ता पसलमा सोमबार साँझ आगो लागेको जिल्ला प्रहरी कार्यालय मोरङले जनाएको छ । स्थानीय, दमकल र प्रहरीको सहयोगमा बेलुका ७:३० बजे आगो पूर्ण रूपमा नियन्त्रणमा लिइएको हो ।
आगलागीको कारण भने हालसम्म खुल्न सकेको छैन । सिलिन्डरबाट ग्यास लिक भएर आगलागी भएको हुनसक्ने प्रहरीको आशंका छ ।
आगोले चिया नास्ता पसल जलेको छ । आगलागीबाट कति क्षति भयो भन्ने विवरण आइसकेको छैन । क्षतिको विवरण संकलन गर्दै घटनाको अनुसन्धान सुरु गरिएको जिल्ला प्रहरी कार्यालय मोरङले जनाएको छ ।
त
स्बीर : प्रेम देवान/आवर विराटनगर
