विराटनगर । पूर्व-पश्चिम लोकमार्ग अन्तर्गत मोरङको सुन्दरहरैँचा नगरपालिका-५ दुलारीमा आइतबार दिउँसो भएको सवारी दुर्घटनामा एक जना साइकलयात्रीको मृत्यु भएको छ । इटहरीबाट गछिया तर्फ जाँदै गरेको बा.प्र ०८-००१ च ०४७ नम्बरको हायस गाडीले साइकलयात्रीलाई ठक्कर दिएको हो ।
दुर्घटनामा गम्भीर घाइते भएका सुन्दरहरैचा-४ निवासी ४४ वर्षीय चन्द्रकुमार राईको धरानस्थित बि.पि. कोइराला स्वास्थ्य विज्ञान प्रतिष्ठानमा उपचारको क्रममा मृत्यु भएको प्रहरीले जनाएको छ । दक्षिणबाट उत्तरतर्फ साइकलमा सडक काट्ने क्रममा उनलाई हायसले ठक्कर दिएको थियो ।
इलाका प्रहरी कार्यालय बेलबारीले दुर्घटनामा संलग्न हायस र चालक झापा भद्रपुर नगरपालिका-८ का २६ वर्षीय विशाल दासलाई नियन्त्रणमा लिएको छ । घटनाबारे थप अनुसन्धान भइरहेको प्रहरीले जनाएको छ ।
