मोरङको विराटनगर-२० बाट प्रहरीले बुधबार लागुऔषधसहित एक जनालाई पक्राउ गरको छ।
पक्राउ पर्नेमा सुनसरी धरान-११ बस्ने कृष्ण मंग्राती रहेका छन् मंग्रातीलाई सिमा प्रहरी चौकी रानीबाट खटिएको प्रहरीको टोलीले भारतको जोगबनीबाट नेपालतर्फ आउदै गरेको अवस्थामा साँझ ५ बजे पक्राउ गरेको हो।
प्रहरीले उनको साथबाट शरिरको बिभिन्न भागमा लुकाई ल्याएको लागुऔषध डाईजेल्याव-४५ एम्पुल, लुपीजेसिक-४५ एम्पुल, एभिल-४५ एम्पुल, फेनारगन-४५ एम्पुल र नाइट्रोसन-१७० ट्याबलेट बरामद गरेको छ।
लागुऔषधसहित पक्राउ परेका मंग्रातीलाई सिमा प्रहरी चौकी रानीले नियन्त्रणमा लिई थप अनुसन्धान भइरहेको छ।
