विराटनगर । विराटनगर सिटी फुटबल क्लबको आयोजनामा भएको विराटनगर फुटसल लिगको उपाधि एबी ५ एफसीले जितेको छ।
मंगलबार विराटनगरको मधुमारा भीआईपी रोडमा रहेको ज्याम्बोरी नेक्सस लाउन्ज (जेएनएल) भएको फाइनल खेलमा एबी ५ एफसीले स्टार बोइज एफसीलाई ३-२ ले पराजित गर्दै पहिलो संस्करणको लिगको उपाधि जितेको हो।
विजेता एबी ५ एफसी ट्रफी,प्रमाणपत्र,४०,००० रुपैयाँ नगद पुरस्कार प्राप्त गर्यो। भने उपविजेता स्टार बोइज एफसीले ट्रफी,प्रमाणपत्र २०,००० रुपैयाँ नगद पुरस्कार प्राप्त गर्यो। यसैगरी उत्कृष्ट गोलकर्ताको उपाधि लेसाङ राईले जित्दा सर्वाधिक क्लिन सिट (गोलकिपर) मनिष कार्की बन्दा प्रतियोगिताको उत्कृष्ट खेलाडी हिमेश पौडेल भएका छन् ।
विराटनगर फुटसल लिगले स्थानीय फुटबलको विकासमा महत्वपूर्ण भूमिका खेलेको छ । यसले युवा खेलाडीहरूलाई आफ्नो प्रतिभा प्रदर्शन गर्ने अवसर प्रदान गरेको छ ।
