बिराटनगर माघ २६ ,
बिराटनगरमा माघ २९ गतेदेखि सुरु हुन लागेको बिना मेमोरियल बास्केटबल कपको लागि टाईसिट प्रकाशित भएको छ । बाल कल्याण बिद्या मन्दिर स्कुलमा एक कार्यक्रमका बिच टाइसिट ड्र गराइएको थियो । महिला र पुरुष दुवै समुहमा हुने खेलमा पुरुष तर्फ १४ र महिला तर्फ ४ टिम समावेश गरिएको प्रतियोगिताका संयोजक सरोज लम्सालले बताए । बिराटनगर , इटहरी , धरान र बिराट चोकबाट कलेजहरुले प्रतियोगितामा भाग लिएका छन् । विराटनगरबाट मेरिल्याण्ड + २ , अरनिको कलेज , शिक्षादिप कलेज , सास्थम , लर्डबुद्ध , मेरिल्याण्ड बिबिए , भानु कलेज , डिपो कलेज धरान , इटहरी नमुना कलेज , नेहारीका कलेज , ब्रइट फ्युचर कलेज बिराटचोक , धरान आदर्श कलेज र जेनिथ कलेज रहेका छन् । त्यसैगरी महिलातर्फ मेरिल्याण्ड बिबिए , बिपि कोइराला स्वास्थ्य बिज्ञान प्रतिष्ठान , मेरिल्याण्ड +२ र शिक्षादिप कलेज रहेका छन् ।
