बिराटनगर फाल्गुन १० ,
विराटनगरमा संचालन भएको मिस कोशी २०१७ को संस्करण अहिले ठुलो विवादमा मुछिएको छ । गत फागुन ७ गते भएको फाइनलमा मिस कोशीमा पैसा दिए विजेता बनाइदिने भन्दै आयोजकले प्रतिस्पर्दीहरु संग रकम मागेको आरोप प्रतिस्पर्दीहरुले लगाएका छन् ।
बिराटनगर कै जय मिडिया मेनेजमेन्ट प्रालिको आयोजनामा भएको सो प्रतियोगिताको बिजेता तथा अन्य उपाधि जिताउन रकम मागिएकोले प्रतिष्पर्धामा सहभागीहरुले प्रशासन कार्यालयमा पत्र पठाएका छन् ।
उक्त प्रतियोगितामा सहभागी हुन काठमाण्डौबाट विराटनगर आएकी प्रतिष्पर्धी रिया चन्दले आफुलाई उपाधि जिताउन १० लाख रुपैया मागिएको खुलासा गरेकी छिन । उनका अनुसार प्रतियोगितामा बिजेता बनाउन ५,७ र १० लाख बिभिन्न प्रतियोगीसंग मागिएको थियो । रियाले आयोजकका कर्मचारी अविजित बुढाथोकीले पटक पटक रकम मागेको दावी गरिन् ।
प्रतियोगीहरुले सोमबार सामुहिक रुपमा जिल्ला प्रशासन कार्यालय मोरङमा उजुरी दर्ता गराएका थिए । उनीहरुले हजार रुपैया दरको टिकट प्रति प्रतिष्पर्धी १० वटा बिक्री गर्न दवाव दिएको, बिभिन्न बहानामा रकम मागेको लगायतका आरोप लगाएका छन् । यस्तै फाल्गुन ७ को फाइनल प्रतिस्पर्दामा बिगतका बिजेताहरु पनि नगएको र बिजेता क्राउन पनि गत बर्षको बिजेताले यस बर्षको बिजेतालाई लगाइदिनु पर्ने भएपनि लगाएकी थिइन् ।
आवर बिराटनगरले जय मिडियाका सञ्चालक जय रोय संग प्रतिक्रिया लिन खोज्दा उनको फोन उठेन ।
