विराटनगर । विराटनगर–३ भक्स्वागनको सोरुमबाट बिहीबार राती चोरी भएको कार पक्राउ परेको छ । विराटनगरबाट चोरी भएको कार भारत लैजाने क्रममा सुनसरीमा फेला परेको हो ।
नेपालभारत सीमा नजिक पुगेपछि गाडीमा तेल सकिएर रोकिराखेको अवस्थामा स्थानीयले देखेर प्रहरीमा खबर गरेका थिए । कार चोरी भएपछि व्यापक प्रहरी परिचालन भएका कारण तत्कालै कार र चोरीमा संलग्नलाई प्रहरीले पक्राउ गर्न सफल भएको हो ।
चोरीमा संलग्न समेत विराटनगर ४ का एक युवा रहेको बुझिएको छ । प्रहरीले घटनाको विस्तृत जानकारी उपलब्ध गराएको छैन । प्रारम्भिक जानकारी अनुसार गाडी र संलग्नलाई अहिले जिल्ला प्रहरी कार्यालय मोरङ ल्याइएको छ ।
