विराटनगर । विराटनगर महानगरपालिकाले प्रवलीकरण गरेर व्यवसायीक प्रयोजनका लागि ठेक्का आह्वान गरेको विरेन्द्र सभागृहमा कोशी प्रदेशको पहिलो लगानी सम्मेलन हुने भएको छ ।
विराटनगर महानगरपालिकाका प्रमुख नागेश कोइरालाका अनुसार प्रदेश लगानी सम्मेलन गरेर विरेन्द्र सभागृहमा पहिलो कार्यक्रम गर्ने अवसर प्राप्त भएको हो।
यसको उद्घाटन गरिएको छैन । यद्यपी महानगरपालिकाले सभागृहमा लगानी सम्मेलन गर्नका लागि अवसर जुटाएको हो ।
२० करोड बढी लागतमा निर्माण सम्पन्न भएको सभागृहमा लगानी सम्मेलनको उद्घाटन र समापन गर्ने तयारी भएको प्रदेश लगानी प्राधिकरणका प्रमुख कार्यकारी निर्देशक डा.सरोज कोइरालाले जानकारी दिएका छन् । उनका अनुसार अन्य थिमेटिक सेसन भने बिग र रत्ना होटलमा हुनेछन् । आागमी बैशाख १८ र १९ गते कोशी प्रदेश लगानी सम्मेलन आयोजना हुँदैछ ।
फोटो:फाइल
