विराटनगर ३० चैत्र । विराटनगरका सडकमा देखापरेको धूलो नियन्त्रण गर्न उपमहानगरपालिकाले चासो नदिएको भन्दै होटल व्यवसायीहरुले विरोध जनाएका छन् ।
धेरै पटक धूलो नियन्त्रण गर्न दबाव दिँदा पनि उपमहानगरपालिकाले अटेर गरेपछि विराट होटल व्यावसायी संघले विरोधस्वरुप बुधबार माक्स वितरण गरेको जनाएको छ ।
नगरपालिकाले धूलो नियन्त्रण गर्न अटेर गरेपछि विरोध स्वरुप आज ट्राफिक चोकमा निःशुल्क २ हजार ५ सय वटा माक्स वितरण गरिएको संघका अध्यक्ष विजयराज प्रसाईंले जानकारी दिए ।
