बिराटनगर बैशाख १५ , निजी विद्यालयले चर्को शुल्क लिएको बिरोधमा आन्दोलनरत संयुक्त विद्यार्थी संगठनहरूले शुक्रबार जिल्ला शिक्षा कार्यालय मोरङमा तालाबन्दी गरेका छन् । निजी विद्यालयले मनोमानी शुल्क लिएको विरोधमा विद्यार्थी संगठनहरू आन्दोलित भएका हुन् । विद्यार्थीहरुले देशभरका जिल्ला शिक्षा कार्यालयमा तथा शिक्षा विभागमा तालाबन्दी गरेका हुन् । यसअघि विद्यार्थी संगठनहरुले बिराटनगरका ८ स्कुलमा प्रशासनिक शाखा र लेखा शाखामा तालाबन्दी गरेका थिए । घोषित आन्दोलनअन्तर्गत वैशाख १७ गते जिल्ला शिक्षा अधिकारी तथा शिक्षा मन्त्रालयका अघिकारिलाई सार्वजनिक बहिष्कार गर्ने र वैशाख १८ गते सरकारी गाडी चल्न निषेध गरीने कार्यक्रम रहेको छ ।
