विराटनगर । झापा–५ नम्बर क्षेत्रबाट प्रतिनिधिसभा सदस्य पदका उम्मेदवर रहेका राष्ट्रिय स्वतन्त्र पार्टी (रास्वपा) वरिष्ठ नेता बालेन शाह चढेको हेलिकप्टर काठमाडौं फर्काइएको छ । काठमाडौंको सिनामंगलमा बिहानै मतदान गरेपछि उनी झापा जान त्रिभुवन विमानस्थलबाट हेलिकप्टर चढेका थिए। हेलिकप्टर उडेर ५२ नटिकल माइल पुगेपछि काठमाण्डौं फर्काइएको थियो ।
तर, हेलिकप्टर फर्काउन बालेन आफैंले आग्रह गरेको खुलेको छ । हेलिकप्टर फर्कनुका पछाडि कुनै प्राविधिक कारण नभई जसका लागि प्रयोग भएको उसैले गरेको आग्रहलाई मानिएको छ ।
मुलधारका सञ्चारमाध्यममा प्रकाशित समाचारमा शाहका निकट सहयोगी सुरेन्द्र बजगाईंले हेलिकप्टर चढ्ने अनुमति प्राप्त भए पनि सुरक्षाका कारण काठमाडौं फर्किएको दावी गरेका छन् । हेलिकप्टर प्रयोग गर्ने अनुमति फागुन २० गते नै प्राप्त भएको थियो। अनुमति लिएर नै हेलिकप्टर प्रयोग गरिएको हो। तर सुरक्षा निकायले झापा नजान सुझाव दिएको उनले बताइएको छ।
