विराटनगर । निर्वाचनपछि मतगणना गरिरहेको अवस्था मोरङमा एकजनाको हृदयघातका कारण निधन भएको छ । रास्वपा मोरङका जिल्ला सदस्य दुर्गा रेग्मीको हृदयघातका कारण निधन भएको हो ।
विश्वनाथ मन्दिर, सिजुवामा मतगणना भइरहेको अवस्थामा उनलाई अचानक समस्या भएपछि अस्पताल लगिएको थियो । मोरङका प्रहरी नायव उपरीक्षक हरिनन्दन चौधरीका अनुसार स्वास्थ्य समस्या आएपछि मतदानस्थलबाट अस्पताल लगिएको थियो । अस्पतालमा चिकित्सकले मृत घोषणा गरेको भन्ने सूचना प्राप्त भएको चौधरीले बताएका छन् ।
