भोजपुर । भोजपुरको आमचोक गाउँपालिका–८ बाट प्रहरीले ठूलो परिमाणमा गाँजा बरामद गरेको छ। विशेष सूचनाको आधारमा वैशाख २० गते जिल्ला प्रहरी कार्यालय भोजपुरबाट खटिएको टोलीले राम बहादुर श्रेष्ठको जग्गामा रहेको टहरामा लुकाइछिपाइ राखिएको अवस्थामा ३८ वटा प्लास्टिकका बोराबाट ६२२ किलो ३०० ग्राम गाँजा बरामद गरेको हो। साथै १८ किलो ३३४ ग्राम गाँजाको भुस समेत फेला परेको प्रहरीले जनाएको छ।
प्रहरीका अनुसार गाँजा ओसारपसार तथा बिक्री वितरणमा संलग्न व्यक्तिहरुको खोजी कार्य तीव्र पारिएको छ भने घटनाबारे थप अनुसन्धान जारी रहेको छ।
