ग्रामथान (मोरङ) । मोरङको ग्रामथान गाउँपालिकामा जारी अध्यक्ष कप नक-आउट फुटबल प्रतियोगितामा चौधरी चौक युवा क्लब, महेशपुर, मोरङ फाइनलमा प्रवेश गरेको छ ।
मंगलबार नडियाटोकको खेल मैदानमा भएको पहिलो सेमिफाइनल खेलमा जिल्ला प्रहरी कार्यालय, विराटनगर, मोरङलाई २-० गोल अन्तरले पराजित गर्दै चौधरी चौक उपाधि नजिक पुगेको हो ।
चौधरी चौकको जितमा दुबै गोल हरि खवासले गरे । हरि नै खेलको म्यान अफ दि म्याच घोषित भए । उनले नगद १ हजार १ सय रुपैयाँ नगद पुरस्कार प्राप्त गरे ।
प्रतियोगिता अन्तर्गत बुधबार हुने दोस्रो सेमिफाइनल खेल गोल्डेन स्टार युथ क्लब, भलुवा, सुनसरी र हात्तिमुढा स्पोर्टिङ एकेडेमी, हात्तिमुढा, मोरङबीच हुनेछ ।
दिप ज्योति युवा क्लब, ग्रामथान-१, लखन्तरी, मोरङको आयोजना तथा ग्रामथान गाउँपालिकाको सहयोगमा जारी प्रतियोगितामा ८ टोलिले भाग लिएका छन् । प्रतियोतिगाको विजेताले नगद ५१ हजार र उप विजेताले ३१ हजार रुपैयाँ पुरस्कार पाउने छन् । प्रतियोगिताको फाइनल खेल जेठ २३ गते शनिबार हुनेछ ।
