काठमाडौं । नवनियुक्त गृहमन्त्री सुधन गुरुङ ले आफ्नो नियुक्तिप्रति सबैको प्रतिक्रिया एउटै नरहेको बताएका छन्।
शपथग्रहणपछि गृह मन्त्रालयमा पदभार ग्रहण गर्दै उनले आफू गृहमन्त्री बनेपछि धेरै जना खुसी भएको र केही व्यक्ति दुःखी पनि भएको महसुस गरेको बताए। ‘धेरै जना खुसी हुनुहुन्छ होला, धेरै जना दुःखी पनि हुनुहुन्छ जस्तो लाग्छ, म आएकोले,’ उनले भने।
गुरुङले मन्त्रालयको जिम्मेवारी सम्हाल्दै कानूनको शासन, सुशासन र नागरिकको सुरक्षालाई प्राथमिकतामा राखेर काम गर्ने प्रतिबद्धता समेत व्यक्त गरेका छन्।
उनले आफूमाथि जति आरोप लगाए पनि नेपाली नागरिक र महिलाहरूमाथि विनाप्रमाण चरित्र हत्या नगर्न चेतावनी दिए ।
