विराटनगर । नेकपा (एमाले)का महासचिव शंकर पोखरेलले पार्टीका नेता तथा कार्यकर्तालाई आवश्यक परे सडक आन्दोलनका लागि तयार रहन निर्देशन दिएका छन्।
बुधबार दाङको तुलसीपुरमा आयोजित पत्रकार सम्मेलनमा बोल्दै महासचिव पोखरेलले वर्तमान सरकार स्वेच्छाचारी ढंगले अघि बढिरहेको आरोप लगाए। उनले सरकारका गतिविधिले लोकतान्त्रिक मूल्य र मान्यतामाथि प्रश्न उठाएको दाबी गर्दै परिस्थितिअनुसार जुनसुकै बेला सडक संघर्षमा उत्रिनुपर्ने अवस्था आउन सक्ने बताए।
पोखरेलले पार्टी संगठनलाई जनतासँग थप जोडिन र सम्भावित आन्दोलनका लागि तयारी अवस्थामा रहन आग्रह गर्दै राजनीतिक घटनाक्रमलाई नजिकबाट नियालिरहेको उल्लेख गरे।
