विराटनगर । बिराटनगर ब्लड बैंकमा केही दिन यता रगतको चरम अभाव देखिएको छ ।
ब्लड बैंकमा हाल सबै रगत समुहका रगतको अभाव रहेको त्यहाँका कर्मचारीहरु बताउँछन् । अभावका कारण रगत चाहिएर खोज्न आउने विमारीका आफन्तले ठुलो पीडा भोग्नु परेको छ ।
यता रगतको क्षेत्रमा काम गर्दै आइरहेको युवाहरुको संस्था युथ फर ब्लडले पनि रगत अभाव भएको कारण रक्तदान गर्न सम्पुर्ण नगरबासीलाई आग्रह गरेको छ । ब्लड बैंकमा रगत नभएपछि रगतको लागि धेरै फोन आउने गरेको युथ फर ब्लडका अंकित दासले बताए ।
उनले बिराटनगरका संघसंस्थालाई रक्तदान कार्यक्रम आयोजना गरेर रगत अभाव हटाउन पनि आग्रह गरे ।
