पूर्व क्षेत्रीय प्रहरी कार्यालय विराटनगरको सचेतनामुलक अभियान अन्तरगत शुक्रबार बिराटनगर महानगरपालिका १६ स्थित होलील्यान्ड स्कुलमा चेतनामुलक प्रशिक्षण कार्यक्रम संचालन गरिएको छ।
“प्रहरी मेरो साथी” कार्यक्रम अन्तरगत क्षेत्रीय प्रहरी कार्यालय विराटनगरको महिला तथा बालबालिका सेलमा कार्यरत प्रहरीले स्थलगत रुपमा उक्त बिधालयमा गई शुक्रबार बिहान बिधालयको कक्षा ९ र १० मा अध्ययनरत ९५ जना छात्र/छात्राहरुलाई चेतनामुलक प्रशिक्षण दिएका हुन्।
सो अवसरमा बिधार्थीहरुलाई घरेलु तथा महिला हिंसा, ईन्टरनेटको प्रयोग, साइबर क्राइम, बाल अधिकार तथा बाल बिज्याईँ का विषयमा प्रशिक्षण प्रदान गरिएको छ। कार्यक्रमलाई, पूर्व क्षेत्रीय सशस्त्र प्रहरी गण मुख्यालय रानी विराटनगरका प्रहरी निरिक्षक छवीरमण भट्टराई, पूर्व क्षेत्रीय प्रहरी कार्यालय रानी विराटनगर महिला बालबालिका सेल प्रमुख प्रहरी नायव निरीक्षक कृष्ण कुमारी अधिकारी र प्रहरी जवान ओमराज पैडेलले सहजिकरण गर्नु भएको थियो।
पूर्व क्षेत्रीय प्रहरी कार्यालयका प्रहरीले चालु आर्थिक वर्षको श्रावणदेखि हालसम्म सचेतना बढाउने उद्देश्यले मोरङ तथा सुनसरी जिल्लाका बिभिन्न विधालयहरुमा स्थलगत रुपमा गई महिला तथा बालबालिकाहरुलाई चेतनामुलक प्रशिक्षण दिई सकेको प्रहरी नायव निरीक्षक कृष्ण कुमारी अधिकारीले बताउनु भयो।
