विराटनगर-३ स्थित दूध फारम नजिकै सोमबार भारतीय लहारीको टक्करबाट एक मोटरसाइकल चालककको ज्यान गएको छ।
विराटनगर - ईटहरी सडक खण्डमा उत्तरबाट दक्षिणतर्फ आउदै गरेको एन एल ०१- एल ६०६३ नम्बरको भारतीय लहरीले विपरित दिशाबाट जादै गरेको को २८ प ६४८४ नम्बरको मोटरसाइकल चालक विराटनगर-३ बस्ने अन्दाजी २६ बर्षिय उत्सव पोख्रेललाई ठक्कर दिएको थियो।
बेलुका ८ बजे भएको उक्त दुर्घटनामा गम्भिर घाइते भएका उत्सवको कोशी अंचल अस्पतालमा उपचारको क्रममा ८;५० बजे मृत्यु भएको जिल्ला प्रहरी कार्यालय मोरङले जनाएको छ।
ठक्कर दिने लहरीका चालक फरार रहेकाले खोजी भइरहेको छ।
