सुनसरी, ४ चैत ।
सुनसरीमा भएको आगलागीमा ६२घर जलेको छ । बराह नगरपालिका–११ बस्ने पुरण चौधरीको घरबाट लागेको आगोले गएराती करिब ६२ घर पुर्ण जलेको प्रहरीले जनाएको छ । राती करिब ८ बजेतिर विधुत सर्ट भइ आगलागी भएको थियो । आगलागी नियन्त्रणमा लिन बिराटनगर, ईटहरी, धरान, ईनरुवा झुम्काबाट दमकल आगो निभाउन पुगेका थिए । ५ वटा दमकल, नेपाल प्रहरी, नेपाली सेना, सशस्त्र प्रहरी र स्थानियको सहयोगमा आगो रानी नै नियन्त्रणमा आएको छ । आगलागीबाट भएको क्षतिको विवरण आउँन बाँकी रहेको जिल्ला प्रहरी कार्यालय सुनसरीले जनाएको छ । आगो निभाउने क्रममा कोशी गाउँपालिका–३ बस्ने ४१ बर्षिय प्रभु सरदार घाइते हुनु भएको छ । उहाँको नोबेल अस्पताल विराटनगरमा उपचार भइरहेको छ।
