सप्तरी, असार २७ । सप्तरीमा यस वर्ष ५६ करोड रुपियाँ बराबरको आँपको व्यापार भएको छ ।
आँपको राजधानी मानिएको जिल्ला सप्तरीमा आँप उत्पादनमा वृद्धि भएसँगै गत वर्षको तुलनामा व्यापार दोब्बर भएको हो ।
सात हजार हेक्टर क्षेत्रफलमा आँप खेती भए पनि पाँच हजार हेक्टरमा २८ हजार मेट्रिक टन आँप उत्पादन भएको जिल्ला कृषि विकास कार्यालय सप्तरीले जनाएको छ ।
सप्तरीमा सरदर प्रतिकिलो २० रुपियाँका दरले आँप बिक्री भएको कार्यालयले जनाएको छ । यसबाट किसानले ५६ करोड रुपियाँ प्राप्त गरेका छन् ।
कार्यालयका वरिष्ठ कृषि विकास अधिकृत भागिरथ यादवका अनुसार गत बर्ष सप्तरीमा १४ हजार मेट्रिक टन आँप उत्पादन भएकोमा करिब २८ करोड बराबरको आँपको व्यापार भएको थियो ।
