पाँचथर,३० असार । पाँचथरको फालेलुङ गाउँपालिका–६, बरभञ्ज्याङमा शनिबार दिउँसो ट्याक्सी दुर्घटना हुँदा फालेलुङ–६, का वडा अध्यक्ष सुजाता राईसहित चार जना गम्भिर घाइते भएका छन् ।
सदरमुकाम फिदिमदेखि फालेलुङ गाउँपालिकासम्म जाँदै गरेको मे १ ज १२४० नम्बरको ट्याक्सी दुर्घटना भएको हो । दुर्घटनामा वडा अध्यक्ष राईसहित उहाँका श्रीमान सुनिल वान्तावा, सोही वडाका दीपक राई र ट्याक्सी चालक घाइते भएको प्रहरीले जनाएको छ ।
दुर्घटनामा परि अन्य दुईजना सामान्य घाइते भएका छन् । घाइते सबैलाई उपचारको लागि सदरमुकाम फिदिम ल्याउने काम भइरहेको छ । दुर्घटनाको कारण खुल्न नसकेको प्रहरी निरीक्षक अनिलकुमार पौडेलले बताए।
