मोरङ, साउन ३।
मोरङको विराटनगरस्थित पाञ्चाली गीत गजल एण्ड रेष्टुरेन्टमा आज विहना आगलागी भएको छ।
आगलागीबाट अन्दाजी ६० लाख बराबरको धनमाल जलेर क्षति भएको पीडितले बताएका छन।
विराटनगर १२ स्थित योगेश श्रेष्ठले संचालन गरेको सो रेष्टुरेन्टमा बिहान करिब ४ बजेतिर विधुत सर्ट भई आगो लागेको हुन सक्ने अनुमान गरिएको छ।
आगलागी विराटनगर महानगरपालिकाबाट गएको वारुणयन्त्र, प्रहरी र स्थानीयवासीको सहयोगमा ५;३० बजे नियन्त्रणमा आएको छ।
