इटहरी साउन १३ । आँखामा पट्टी बाधी किशोरीलाई बन्धक बनाएको आरोपमा १ जनालाई पक्राउ गरीएको छ । केरावारी गा.पा.–७ की गिता बिसुङ्खेले आफु अपहरणमा परेको भनि उजुरी दिएकी थिइन् ।
आफूलाई सुनसरी पकली १८ नँयाटोल बस्ने कुल बहादुर धिमाल र सोही स्थानकी पुजा श्रेष्ठले अपहरण गरेको उनले बताएकी थिईन् ।
गिताले आफुलाई मारूती भ्यानमा राखेर लगाएको कपडा समेत काटी दिएको बताइन् । उनीलाई आखामा पट्टी बाधेर पुजा श्रेष्ठको घरको ट्वाईलेटमा रातभरी थुनीर बन्धक बनाईएको थियो ।
भोलीपल्ट बिहान गाडीमै राखेर गीताको घर नजिक पुर्याई छाडीदिएको थियो । गीताले ईलाका प्रहरी कार्यालय पकलीमा जानकारी दिएलगतै प्रहरी टोलीले पुजा श्रेष्ठलाई पक्राउ गरेको हो ।
