विराटनग, १६ भदौ । वडा बाल क्लब संजाल विराटनगर – १३ को आयोजनामा विराटनगरमा सरसफाइ कार्यक्रम आयोजना गरिएको छ । विराटनगर महानगरपालिका, टोल संगठन, मोरङ स्काउटको सहयोगमा विराटनगरमा शनिबार सरसफाइ गरिएको हो । 
विराटनगरस्थित कोशीप्रोजेक्टको शिव मन्दिर देखि नहर चौकको शिव मन्दिर र काली मन्दिरसम्म सरसफाइ गरेको थियो । 
मन्दिर र सडकको वरिपरि रहेको फोहरहरु संकलन गरी ट्याक्टर मार्फत व्यवस्थित ठाउँमा बिर्सजन गरेको क्लबकी अध्यक्ष एन्जेनिता श्रेष्ठले जानकारी दिइन् । उनका अनुसार सरसफाइसँगै जनचेतनामुलक कार्यक्रम समेत आयोजना गरिएको बताइन् । उक्त बाल क्बलले यस अघि पनि विभिन्न सचेतामूलक कार्यक्रमदेखि विद्यार्थीहरुमा भएको प्रतिभा उजागर गर्ने खालको गतिविधिहरु गर्दै आएको छ । 
