विराटनगर, १८ भदाै । मोरङ जिल्लाको बेग्लाबेग्लै स्थानमा सोमबार भएको सवारी दुर्घटनामा ३ जना घाइते भएका छन् । मोरङ जिल्ला बुढीगंगा गाउँपालिका-२ स्थित टंकी सिनुवारी चोकमा सोमबार मोटरसाइकलको ठक्करबाट १ जना घाइते भएका छन् । ईटहरीबाट विराटनगरबाटतर्फ आउँदै गरेको स ८ प १३५९ नम्बरको मोटरसाइकलले बाटो काट्ने क्रममा साईकल यात्रीलाई ठक्कर दिंदा विराटनगर महानगरपालिका-१० बस्ने वर्ष ४० को गंगा ढकाल घाइते भएका छन् । घाइतेको विराट नर्सिङ होममा उपचार भईरहेको छ भने मोटरसाइकल चालक सिरहाका मुकेश यादवलाई ईलाका प्रहरी कार्यालय निमुवाले नियन्त्रणमा लिइएको छ ।
यसैगरी उर्लाबारी नगरपालिका-५ स्थित भित्री सडक खण्डमा सोमबार बिहान को १८ प ४०३६ नम्बरको मोटरसाइकलको ठक्करबाट १ जना पैदलयात्री घाइते भएका छन् । घाइते हुनेमा जिल्ला मोरङ उर्लाबारी नगरपालिका-५ बस्ने वर्ष ६५ को शेर बहादुर माझी रहेका छन् । घाइते माझीलाई उपचारका लागि न्यूरो अस्पताल विराटनगर ल्याईएको छ भने मोटरसाइकल चालक जिल्ला मोरङ उर्लाबारी नगरपालिका-५ बस्ने वर्ष ३५ को रकम श्रेष्ठ ईलाका प्रहरी कार्यालय उर्लाबारीको नियन्त्रणमा रहेका छन् ।
यसैगरी सुन्दरहरैचा नगरपालिका-८ स्थित सलकपुरमा सोमबार दिउँस नम्बर नखुलेको मोटरसाइकलले ठक्कर दिदा साईकल यात्री जिल्ला मोरङ सुन्दरहरैचा नगरपालिका-८ बस्ने ऋषिराम सुवेदीको छोरी वर्ष १४ की लता सुवेदी घाइते भएकी छिन । घाइते सुवेदीको स्थानीय अस्पतालमा उपचार गराईएको छ भने मोटरसाइकल चालक फरार रहेकाले प्रहरीबाट खोजी कार्य भईरहेको छ ।
