विराटनगर, ४ असोज ।
सुनसरीमा मदरसाह संचालक मौलानाको गोली हानी हत्या भएको छ । केही बेर अघि सुनसरीको हरिनगरा गाउँपालिका वडा नम्बर २ भुटाहामा रहेको रैयन पब्लिक स्कुलका प्रधानाध्यापक मौलाना खुर्सिद आलमको गोलीहानी हत्या भएको हो । भारतीय नम्बरको मोटरसाईकलमा आएको ४ जनाको टोलीले खुर्सिदलाई गोली हानी भागेका थिए । गोली हानेको थाहा पाएको प्रहरीले खोज तलास गर्ने क्रममा घुस्कीमा सो मोटरसाईकललाई रोक्न खोज्दा प्रहरी चौकी घुस्कीमा कार्यरत प्रहरी जवान शिव पौडेललाई समेत गोली प्रहार भएको जिल्ला प्रहरी कार्यालय सुनसरी प्रहरीले जनाएको छ ।
