सुनसरी, १८ असोज । सुनसरीको ईटहरी उप–महानगरपालिका–२ आँपगाछिबाट प्रहरीले बिहीबार दिउँसो लागु–औषध सहित २ जना युवकलाई पक्राउ गरेको छ । अस्थायी प्रहरी पोष्ट हलगडाबाट खटिएको टोलीले लागु–औषध सहित धरान १० बस्ने वर्ष १९ को नाछु शेर्पा र धरान–८ बस्ने वर्ष १७ को समिर लिम्बुलाई पक्राउ गरेको हो । दिउँसो काँकडभिट्टाबाट धरान जाँदै गरेको ना २ ख ८४३६ नम्बरको बसमा चेकचाँच गर्ने क्रममा बसमा सवार उनीहरुलाई शंका लागि चेकचाँच गर्दा ट्रामाडोल ५ सय २० पिस र स्पास्मोप्रोक्सिभन ट्याबलेट १ हजार १० पिस फेला परेको प्रहरीले जनाएको छ ।
बरामद लागु–औषध सहित दुबै जनालाई इलाका प्रहरी कार्यालय ईटहरीमा राखी थप अनुसन्धान भईरहेको प्रदेश प्रहरी कार्यालय बिराटनगरले जनाएको छ ।
