झापा,२४ असाेज । झापाको मेचीनगर नगरपालिका- ६ मेची भन्सार कार्यालय अगाडीबाट चोरीको आरोपमा पक्राउ परेकाे भारतीय गाडीमा लागूऔषध फेला परेको छ । भारतीय बजारबाट नेपाल तर्फ आउँदै गरेको डब्लु बी. ७४ जेट ७००१ नम्बरको गाडी इलाका प्रहरी कार्यालय काँकडभिट्टाले पक्राउ गरेको थियो । अनुसन्धानको लागि प्रहरीको नियन्त्रणमा राखिएको गाडीमा खानतलासी गर्ने क्रममा गाडीको अगाडी पट्टीको भागमा लुकाई राखेकाे अवस्थामा एक सय मिलि लिटर स्मिकुफ नामक लागूऔषध-२ बोतल र नाईट्रोसन ट्याब्लेट-१२ फेला परेको हो । लागूऔषध सहित गाडीका चालक मेचीनगर नगरपालिका-६ बस्ने वर्ष ३६ को बिशाल लिम्बु र सोही गाडिमा सवार रहेका वर्ष ३२ को अनुप उरावलाई समेत नियन्त्रणमा लिईएकाे प्रहरीले जनाएकाे छ ।
