काठमाडौं मङ्सिर ८ । सिङगिङ रियालिटी शो ‘नेपाल आइडल’ मा यो हप्ता सबैभन्दा धेरै भोट सुमित पाठकले पाएका छन् । गोल्डेन माइक विजेता पोखराीका निलिमा थापा मगर प्रतियोगिताबाट बाहिरिदा अर्का गोल्डेन माइक विजेता सुमित पाठकले सबैभन्दा धेरै भोट पाएका हुन् । सुमित झापाका हुन ।
उत्कृष्ठ सात प्रतिस्पर्धीले बिहीबार दिएको प्रस्तुती हेरेर दर्शकले भोट गरेका थिए । भोट कति आएको थियो त्यो भने सार्वजनिक गरिएको छैन ।
शुक्रबार साँझको नेपाल आइडलको एलिमिनेशन राउन्डमा सबैभन्दा धेरै भोट उनले पाएको जानकारी दिइएको हो । उनले बिहीबार ऊ जितेर गई या हारेर गई... बोलको गीत गाएका थिए ।
अघिल्लो हप्ता सबैभन्दा धेरै भोट सुदुरपश्चिमका रवि ओडले पाएका थिए ।
तस्बिरः एपीवान टेलिभिजन
