प्रेस युनियन पाल्पा शाखाले शनिबार आयोजना गरेको पत्रकार सम्मेलनमा बोल्दै नेपाली कांग्रेसका सभापति एवम् पूर्वप्रधानमन्त्री शेरबहादुर देउवाले नेत्रविक्रम चन्द (विप्लव) नेतृत्वको नेकपालाई वार्तामा आउन आग्रह गर्नुभएको छ । विप्लवलाई सहमतिमा ल्याउन सरकारले वार्ता गर्नुपर्ने बताउँदै देउवाले हत्याहिंसा छोडेर वार्तामा आउन विप्लवलाई पनि सुझाव दिनुभएको हो ।
कार्यक्रममा बोल्दै देउवाले नेपाललाई हिन्दु राष्ट्र घोषणा गर्नुपर्ने विषयमा संविधानमा जुन व्यवस्था छ त्यसैलाई कांग्रेसले मान्ने बताउनुभएको छ ।
कांग्रेस पूर्वसभापति गिरिजाप्रसाद कोइरालाले धर्म निरपेक्षताको नेतृत्व गरेकाले शेखर र शशांक कोइरालाले हिन्दु राष्ट्रका पक्षमा बोल्न नहुने उहाँको भनाइ छ ।
