सुनसरी, १७ चैत। सुनसरीको हरिनगरा गाउँपालिका-६ घुस्की बजारमा भारतीय नम्बरको मोटरसाईकलको ठक्करबाट बालकको मृत्यु भएको छ ।
उत्तरबाट दक्षिण तर्फ जाँदै गरेको बिआर ११ वाई ९३१३ नम्बरको मोटरसाईकलले साईकलमा सवार सोही गाउँपालिका-७ बस्ने बर्ष १० का रेहान अन्सारीलाई ठक्कर दिएको थियो ।
मोटरसाईकलको ठक्करबाट गम्भीर घाइते बालककलाई उपचारको लागि जिल्ला अस्पताल ईनरुवा पठाईएकोमा उपचारको क्रममा मृत्यु भएको जिल्ला प्रहरी कार्यालय सुनसरीले जनाएको छ । ठक्कर दिने मोटरसाईकल र चालक भारत घुर्ना बस्ने बर्ष-६० को मोहमद मुस्ताक अन्सारीलाई प्रहरीको नियन्त्रणमा लिएकाे छ ।
