काठमाडौं चैत्र २० । आज देशको पूर्वी र मध्य भूभाग लगायत पश्चिमी पहाडी भूभागहरुमा आंशिक तथा सामान्य बदली रहने जल तथा मौसम विज्ञान महाशाखाले जनाएको छ । बाँकी भूभागमा भने आंशिक बदली हुने जनाइएको छ । देशको पुर्वी र मध्य भूभागका केही स्थान तथा पश्चिमी भूभागका थोरै स्थानहरुमा मेघ गर्जन सहित क्षणिक वर्षाको संभावना रहेको महाशाखाले जनाएको छ ।
त्यस्तै, आज राति देशको पूर्वी र र मध्य भूभाग लगायत पश्चिमी पहाडी भूभागहरुमा आंशिक देखी सामान्य बदली रहने महाशाखाले जनाएको छ ।
विहीबार पनि मौसम पूर्वी, मध्य र पश्चिमी पहाडी भूभागमा बदली हुने र केही स्थानमा मेघ गर्जनसहितको वर्षाको सम्भावना रहेको समेत जनाइएको छ । शुक्रबार सम्म मौसमा बदली रहने महाशाखाको तीन दिनका लागि प्रकाशित बुलेटिनमा उल्लेख छ ।
