इटहरी, २२ चैत । सुनसरीको भोक्राहा नरसिङ्ग गाउँपालिका ७ मा गोली चलेको छ। गोली लागि एक जना प्रहरी अधिकृत र एक स्थानीय घाइते भएका छन्। नेपाल भारत सीमा नजिकको सोनियाई भन्ने ठाउँमा गोली चलेको हो ।
चेकजाँचको लागि खटिएको प्रहरीले केही व्यक्तिलाई रोकेर चेकजाँच गर्न खोज्दा प्रहरीको पेस्तोल खोसेर प्रहरीलाई नै प्रहार गरेको सुनसरीका डीएसपी ज्ञानेन्द्र फुँयालले जानकारी दिए। स्थानीय र प्रहरीविचको विवादमा ठेलाठेल हुदा प्रहरी चौकी प्रमुख सई चन्द्रकुमार शाक्यको साथमा रहेको पेस्तोल भुईमा झरेको थियो । सोही क्रममा मोटरसाईकलमा आएको एक युवाले पेस्तोल टिपेर प्रहार गर्दा सई शाक्य र स्थानीय जियाबुल मन्सरीको हातमा लागेको थियो । मोटसरसाईकलामा आएका ती युवा मोटरसाइकल छाडेर भागेको बताइएको छ ।
उनका अनसार प्रहरी नायव निरीक्षाक (सई ) चन्द्र शाक्यकाे आैलामा गाेली लागेकाे छ । भोक्राहा नरसिङ्ग गाउँपालिका ८ का स्थानीय जियावुल मन्सुरीकाे नारीमा गाेली लागेकाे फुयाँलले बताए । त्यहीका स्थानीय समुहले खाेसेर गाेली हानेकाे उनकाे भनाई छ । घटनाकाे बारेमा अनुसन्धान भईरहेकाे डीएसपी फुयाँलले बताए । घाईते दुबैजनाकाे वीपी काेईराला स्वास्थ्य विज्ञान प्रतिष्ठान धरानमा उपचार भईरहेकाे छ ।
