बिराटनगर चैत्र २७ ,
इटहरी इन्टरनेसनल कलेजमा गायक दिपक बज्राचार्यको सांगीतिक कार्यक्रम सम्पन्न भएको छ । कलेजमा स्प्रिङ कार्निभल अन्तर्गत दिपक बज्राचार्य साथै रिदम ब्याण्डले कलेजमा प्रस्तुति दिएका थिए ।
मंगलबार आयोजना भएको उक्त कार्यक्रममा इटहरी इन्टरनेसनल कलेज साथै बिराटनगरको मेरिल्याण्ड कलेजका बिद्यार्थीले पनि प्रस्तुति दिएका थिए । कार्निभलमा खानाका स्टल , बिभिन्न खेल साथै सांगीतिक मनोरञ्जन लगायतका कार्यक्रम भएको थियो ।
गायक बज्राचार्यले गित गाउदा कलेजमा उपस्थित बिद्यार्थीहरु उनको गीतमा मज्जाले झुमेका थिए । उनले मन मगन , मायाको डोरीले , ओ अमिरा लगायतका लोकप्रिय गित गाएका थिए ।
इनोभेट नेपाल ग्रुपको व्यस्थापनमा संचालित यस कलेजमा बेलायतको आइटी साथै बिजनेस डिग्री सर्वशुलभ शुल्कमा अन्तरास्ट्रियस्तरमा नै पढाइ हुदै आएको छ । इनोभेट नेपाल ग्रुपको व्यस्थापनमा हाल पूर्वमा इटहरी इन्टरनेसनल कलेज र मेरिल्याण्ड कलेज संचालनमा छन् भने इस्लिंग्टन कलेज काठमाडौं ,हेराल्ड कलेज काठमाडौं र इन्फोर्म्याटिक्स कलेज पोखरा पनि संचालनमा रहेका छन् ।
