झापा, २९ चैत। झापाको झापा गाउँपालिका-४ बस्ने राजेश गणेशको किराना पसलमा गएराती आगलागी हुँदा करिब १५ लाख मूल्य बराबरको क्षति भएको छ । राती करिव १२ बजे भएको आगलागीबाट गणेशको टिनको छानो भएको बाँस र काठले बनेको पसलमा अचानक आगलागी भएकाे प्रहरीले जनाएकाे छ । आगलागीबाट पसलमा रहेको सम्पूर्ण किराना सामान, फर्निचरका सामान र नगद १० हजार जलेर नष्ट भएको छ । आगलागी प्रहरी र स्थानीयवासीको सहयोगमा पूर्ण रुपमा नियन्त्रणमा आएको इलाका प्रहरी कार्यालय कुमरखोदले जनाएको छ । आगलागीबाट करिब १५ लाखकाे क्षति भएकाे प्रहरीले जनाएकाे छ । आगलागीको कारण भने खुलेको छैन ।
