संखुवासभा, ३० चैत । संखुवासभाको खँंदबारी नगरपालिका ९ आपगाछीमा ट्याक्टर दुर्घटना हुंदा चालकको मृत्यु हुनुका साथै त्यसमा सवार ४ जना घाइते भएका छन् ।
तुम्लिङटारबाट सभाखोलामा बालुवा लिन जादै गरेको को२त ५१८४ नम्वरको ट्याक्टर अनियन्त्रित भई सडकबाट तल खसेको थियो ।
दुर्घटनामा चालक सुनसरी इटहरी उपमहानगरपालिका १६ का २५ वर्षीय अर्जुन कार्कीको घटनास्थलमा नै मृत्यु भएको प्रहरीले बताएको छ ।
घाइतेहरू भोजपुर षडानन्द नगरपालिका ८ का १८ वर्षीय प्रकाश तामाङ, इटहरी १६ का १६ वर्षीय प्रवीण खड्का, चैनपुर नगरपालिका ९ घोरेटारका २८ वर्षीय रामकुमार राई र भोजपुर षडानन्द नगरपालिका ८ कार्तिकेका १८ वर्षीय सन्तोष तामाङको तुम्लिङटार स्थित निजी अस्पतालमा उपचार भइररहेको छ ।
