विराटनगर १३ जेठ । मधुमल्ला र मोरङको मिक्लाजुङ गाउँपालिका वडा नं. ९ बजारबाट करिब २०० मिटरको दुरी उर्लाबारी मधुमल्ला सडक खण्डमा बम जस्तै देखीने संकास्पद बस्तु फेला परेको छ ।
आज विहान ९ बजेको समयमा स्थानियले बम जस्तै देखिने बस्तु फेला परेपछि प्रहरी खबर गरेका थिए । मधुमल्ला स्थित रहेको पेट्रोल पप्म नजिकै सिसाको बोतलमा तार जाडेर फालेको अवस्थामा फेला परेको जिल्ला प्रहरी कार्यलय मोरङका प्रवक्ता डिएसपी घनस्याम श्रेष्ठले जानकारी दिनुभयो । शंकास्पद वस्तुको स्थानमा नेपाली सेना र प्रहरीले नियन्त्रणमा लिएको छ ।
नेत्रबिक्रम चन्द बिप्लब समुहको बन्दका दिन उक्त शंकास्पद बस्तु भेटीनुलाई बिप्लब समहुले राखेको हुन सक्ने प्रहरीको अनुमान छ ।
