विराटनगर । मोरङको सुन्दरहरैंचाबाट प्रहरीले २४ जना कोरियन नागरिकलाई नियन्त्रणमा लिएर अध्यागमन कार्यालय पठाउने तयारी गरेको छ । शुक्रबार मोरङको सुन्दरहरैंचा–७ मालती मार्गबाट उनीहरुलाई प्रहरीले नियन्त्रणमा लिएको हो ।
मोरङका प्रहरी उपरीक्षक कबित कटुवालका अनुसार पर्यटक भिषामा आएका उनीहरु धार्मिक कार्यक्रम गर्दै हिँडेको सूचना प्राप्त भएपछि अध्यागमन कार्यालय पठाउन लागिएको हो । सुन्दरहरैंचा नगरपालिका–७ मालतीमार्गमा रहेको नेपाल न्यू कोभिनेन्ट कलेजबाट उनीहरुले गतिविधि गरिरहेको खुलेको छ । थप विवरण खुल्न बाँकी रहेको छ ।
