संखुवासभा, जेष्ठ २५ गते ।
संखुवासभाको खाँदवारी नगरपालिका-१ पोषराज पोखरेलको घरमा तास खेलिरहेका ९ जनालाई प्रहरीले पक्राउ गरेको छ । पोखरेलको घरमा तास खेलिरहेको भन्ने गोप्य सुचनाको आधारमा जिल्ला प्रहरी कार्यालय संखुवासभाबाट खटिएको प्रहरी टोलीले घर धनि ४९ बर्षीय पोषराज पोखरेल, सोही स्थानका २७ बर्षीय सुनिल श्रेष्ठ, बर्ष ३५ को कृष्ण प्रसाद राई, बर्ष २४ को रोदन बुढाथोकी, बर्ष ३४ को प्रेम बि.क., बर्ष २८ को सुमन राई र सुचन श्रेष्ठलाई पक्राउ गरेको हो ।
यसैगरी पाँचखपन नगरपलिका-४ का २१ बर्षीय नरेश भण्डारी र ३८ बर्षीय श्रेष्ठ समेत पक्राउ परेका छन् । निजहरुको साथबाट प्रहरीले ७० हजार ६ सय ४० नगद, ५ बुक तास र १ थान दाप सहितको खुकुरी बरामद गरेको छ ।
पक्राउ परेका ९ जनालाई नै जिल्ला प्रहरी कार्यालय संखुवासभामा राखि थप अनुसन्धान भईरहेको उक्त कार्यालयले जनाएको छ ।
