बिराटनगर असार ६ ,
मोरङको उर्लाबारीमा रहेको एभरेष्ट मल्टि टेक्निकल कलेजले १० औं वार्षिकोत्सव मनाउने भएको छ । शिक्षा क्षेत्रमा प्राबिधिक शिक्षा दिदै आएको निजि संस्था एभरेष्ठ मल्टि टेक्निकल कलेजले १० औं बर्षमा प्रबेश गरेको उपलक्षमा बिभिन्न कार्यक्रम गर्ने भएको हो ।
कार्यक्रम अन्तर्गत असार ११ देखि १४ गते सम्म सरसफाई, सम्मान, रक्तदान र नमुना बाल गृहलाई आर्थिक सहयोग गर्ने भएको संचालक देवेन्द्र धिमिरेले बताए । हाल संस्थाले शिक्षाको क्षेत्रमा मन्टेश्वरी तालिम, कोरियन, जापनिज र हिब्रु भाषाका कक्षा, कम्प्युटर तालिम, लोक सेवाका कक्षा, बैंकिङ जस्ता तालिम संचालन गर्दै आएको छ ।
हाल कलेजमा ३ सय ५० बिध्यार्थीहरुलाई पढन पाठन गराउदै आएको निर्देशक सुमन ढकालले बताए ।
सोहि अवसरमा संस्थालाई सहयोग गर्ने तथा योगदान पुर्याउने शिक्षक, उत्कृष्ट बिद्यार्थी, संघ-संस्थालाई सम्मान गर्ने भएको ढकालले बताए ।
