विराटनगर, १७ असार । विराटनगर–१० मा रहेको कान्तिपुर कलेजले कक्षा ११ मा भर्ना हुने विद्यार्थीलाई मंगलबार प्रवेश परीक्षा लिएको छ । विज्ञान संकायमा ४ सय र व्यवस्थापन संकायमा ३ सय ५० का लागि लिएको परीक्षामा १ हजार ४ सय ३४ जना विद्यार्थी सहभागि भएको कलेजका प्रिन्सिपल भुवन नेपालले जानकारी दिए । प्रिन्सिपल नेपालका अनुसार विज्ञान संकायमा ८ सय ७२ र व्यवस्थापन संकायमा ५ सय ६२ विद्यार्थीले परीक्षा दिएको बताए ।
