विराटनगर, २ साउन । मोरङको पथरीमा अघि मिनि ट्रक र बस जुध्दा एकजनाको ज्यान गएको छ । बिहिवार बिहान मे१च ९३९१ को मिनी ट्रकसँग को १ ख ४८४२ नम्बरको बस जोध्दा दुर्घटना भएको हो ।
मोरङको रमाईलोबाट झापा तर्फ जाँदै गरेको को १ ख ४८४२ नम्बरको बस दुर्घटना परेको जिल्ला प्रहरी कार्यालय मोरङले जनाएको छ ।
दुर्घटनामा १ जनाको मृत्यु भएको र २१ जना घाईते भएको जिल्ला प्रहरी कार्यालय मोरङका डिएसपी राजकुमार खिउजुले बताए । घाईते मध्ये १२ जनाको अवस्था गम्भिर छ।
२ जना गम्भीर घाईते कानेपोखरी बस्ने टिकाराम थापा, उर्लावारीकी ईन्द्रमायाँ गुरुङको अबस्था सिरियस रहेको जिल्ला ट्राफिक प्रहरी कार्यालय मोरङका प्रहरी निरीक्षक शिवकुमार पोखरेलले जानकारी दिए । घाईतेलाई बिराटनगर ल्याईएको छ । 
घाईतेहरु मध्ये ७ जना विराटनगरको नोबेल अस्पता, ५ जना न्युरो अस्पताल र अरु ९ जनाको स्थानीय अस्पतालमा उपचार भईरहेको छ ।
