विराटनगर । विराटनगर महानगरका मेयर भीम पराजुली अष्ट्रेलियाको भ्रमण पछि स्वदेश फर्किएका छन् । गैर आवासीय नेपाली संघ एनआरएनए अष्ट्रेलियाको निम्तोमा त्यसतर्फ गएका पराजुली १० दिन पछी विराटनगर फर्किएका हुन् ।
एनआरएनएको मेलबोर्नमा सम्पन्न भएको ८ औ समारोहमा उनले नेपालको तर्फवाट सहभागि भएर फर्किएका हुन् । बुधवार विराटनगर फर्कने क्रममा विराटनगर विमानस्थलमा सञ्चारकर्मीहरुसंग बोल्दै मेयर पराजुलीले अष्ट्रेलियामा रहेका नेपालीसंग विराटनगरको विकासका वारेमा छलफल भएको जानकारी दिए ।
विराटनगरमा आधुनिक बृद्धाश्रम निर्माणका लागि एनआरएनएले पूर्णरुपमा सहयोग गर्नुका साथै विराटनगरको विकासमा सहयोग गर्ने विराटनगरवासी अष्ट्रेलियामा रहेका नागरिकहरुले प्रतिबद्धता जनाएको पराजुलीले बताए । भ्रमण फलदायी भएको र राम्रा पक्षहरु नेपालमा लागु गर्न सकिने बताए । 
मेयर भएपछि पराजुलीले यस अघि अमेरिका ,मलेसिया,चीन लगायतका देशको भ्रमण गरिसकेका छन् ।
