जुनियर जेसीज विराटनगरको आयोजनामा विराटनगरमा जारी विद्यालयस्तरीय हाजिरीजवाफ प्रतियोगीता अन्तर्गत दुई चरणका प्रतिष्पर्धाहरु सम्पन्न भएका छन ।
१९ औँ अन्तरविद्यालय जुनियर जेसिज टेस्टी टेस्टी हाजिरी जवाफ प्रतियोगीताको आजको तेस्रोदिनको खेलबाट सप्तकोशी स्कूल विराटनगर र वाई पोइन्टिङ स्कुल इटहरी समुह विजेता बन्दै सेमिफाइनलमा प्रवेश गरेको छ ।
भोली पहिलो सेमिफाइनलमा जनक स्मृति इनरुवा, लर्ड बुद्घ स्कुल विराटनगर, पोल स्टार स्कुल विराटनगर, लिटिल फ्लावर बोर्डिगं स्कुल इटहरी, सप्तकोशी स्कुल विराटनगर र पूर्वाञ्चल स्कुल विराटनगर विच प्रतिस्पर्धा हुनेछ भने दोस्रो समुहमा सगरमाथा स्कुल विराटनगर, वि के भि एम स्कुल विराटनगर, एभरेष्ट स्कुल विराटनगर, मार्टस स्कुल विराटनगर, अर्पण स्कुल विराटनगर र वाई पोइन्टिङ स्कुल इटहरी विच प्रतिस्पर्धा हुने जुनियर जेसिजका जनसम्पर्क अधिकारी ओमप्रकास कोइरालाले बताउनु भयो । प्रतियोगीतामा मोरङ र सुनसरीका गरि ३६ विद्यालयको सहभागीता रहेको छ ।
