बिराटनगर असोज ७
बिराटनगरकि मोडेल रेश्मा घिमिरेको नयाँ म्युजिक भिडियो सार्वजनिक भएको छ ।
गायक हिमाल सागर र स्मिता ढकालको आवाज रहेको गीत 'कल्लाई था छैन' सार्वजनिक भएको छ । यादब लम्सालको शब्द रहेको गीतमा अर्जुन पोख्रेलले सङ्गीत भरेका छन् भने एरेन्ज पनि उनले नै गरेका हुन् । गीतको भिडियोमा पुष्प खड्का र रेश्मा घिमिरे रहेका छन् । प्रवीण सिंहको कोरियोग्राफी रहेको भिडियोमा लुकी लुकी हेर्ने र माया लाउन खोजे मायालुको बयान गरिएको छ ।
गीतको भिडियोको निर्देशन सुब्रत राज आचार्यले गरेका हुन् भने नवराज उप्रेतीले खिचेका हुन् र विकाश ज्ञवालीले सम्पादन गरेका हुन् । गीतमा रेश्मा र पुष्पको जोडी निकै जमेको छ भने भिडियो निकै रचनात्मक र सुन्दर बनेको छ ।
रेश्माको यस अघि पनि चर्चित भिडियो सार्वजनिक भएका छन् ।
https://www.youtube.com/watch?v=2WE7FLKC_Dk
