नयाँ दिल्ली । भारतको उत्तर प्रदेश र विहार लगायतका क्षेत्रमा भएको भारी वर्षाका कारण ४८ जनाको मृत्यु भएको छ । दुई दिनयताको वर्षाको क्रममा मानिसहरुको मृत्यु भएको हो ।
उत्तर प्रदेशमा आजपनि वर्षाको सम्भावना रहेको जनाइएको छ । गोरखपुर, फिरोजाबाद लगायतका स्थानमा वर्षाले घर भत्किएर पनि मानिसहरुको मृत्यु भएको छ । यस्तै विहार, राजस्थान, मध्यप्रदेश लगायतका क्षेत्रमा वर्षाले बढी असर गरेको जनाइएको छ ।
(हिन्दु)
