विराटनगर । मोरङको सुनवर्सी नगरपालिकामा भएको आगलागीमा दुई लाख मुल्य बरावरको क्षती भएको छ । सुनवर्सी नगरपालिका वडा नम्बर ७ बरडंगा बस्ने ज्ञान मण्डलको घरमा आगलागी भएको हो । ज्ञानका छोरा ९ बर्षिय सोनु मण्डलले लाईटर बालेर खेल्ने क्रममा भान्साघर भित्र राखिएको मोटरसाईकलमा आगो लागेपछि घर नै जलेको प्रहरीले जनाएको छ । आगलागी बाट भान्साघर भित्र रहेको भारतीय नम्बर प्लेटको बिआर ३८ डि १९६२ नम्बरको होन्डा साईन मोटसाईकल, साईकल तथा अन्नपात, लत्ता कपडा, भाडा वर्तन समेत जलेर नष्ट भएको छ । मण्डलको भान्साघर समेत पुर्ण रुपमा जली नष्ट हुदा करिब दुई लाख मुल्य बराबरको क्षती भएको जिल्ला प्रहरी कार्यालय मोरङले जनाएको छ ।
यस्तै मोरङको कटहरी गाउँपालिका वडा नम्बर २ मा रहेको बोहोरा इन्डष्ट्रिज प्रालि ( राईस मिल) को भट्टिमा प्रयोग गर्न राखिएको धानको भुसमा आगलागी भएको छ । भट्टिको आगोको झिल्को उछिट्टिएर आगलागी भएको प्रहरीले जनाएको छ । आगलागीबाट करिब ३ लाख मुल्य बरावरको क्षती भएको जिल्ला प्रहरी कार्यालय मोरङका डिएसपी राजकुमार खिउजुले जानकारी दिए ।
