नेपाल आयल निगमले भोली सम्ममा खाना पकाउने एलपी ग्यास बजारमा सहज हुने दावी गरेको छ । निगमका कार्यकारी निर्देशक चण्डिका भट्टका अनुसार अनुगमनका क्रममा उद्योगले नै ग्यास लुकाएका पाईएको र लुकाइएका सबै ग्यास सिलिन्डर अब बजारमा पठाईनेछ । आज पनि देशभर अनुगमन तीव्र पारिने उहाँले बताउनुभयो । भट्टका अनुसार अहिले दैनिक ८५ हजार सिलिन्डर ग्यास आपूर्ति भएपनि बजारमा त्यस अनुसार नगएको पाईएको छ । कालोबजारी गर्ने व्यवसायीलाई कारवाही हुने भट्टले बताउनुभयो ।
